كيف قلب أبو شقرة معدله من 75 إلى 97؟
نجح طالب الثانوية العامة عمر أبو شقرة، من قلب معدله ورفعه من 75 إلى 97، معتبرا أن هذا المعدل شكل صدمة حتى بالنسبة له.
وقال في منشور له عبر منصة فيسبوك:" كانت أصعب سنه بحياتي، كل أصدقائي بالجامعة، الكل مبسوط وأنا بالبيت بدرس بمواد دارسها قبل مرتين وثلاث، كثير كنت تعبان ودعيت ربنا إنه يفرحني بمعدل عالي".
وتوجه أبو شقرة برسالة لكل معيد، "لكل شخص ما عنده أمل أو محطم، لكل طالب مقبل على التوجيهي، ربنا كرمه واسع، كنت أدعي ليل نهار إنه الله يجبر بخاطر أمي وأبوي قبل خاطري، والحمد لله تحقق ذلك، ذلك الفضل من الله".
وتاليا منشور أبو شقرة:
من معدل 75 لمعدل 97
"قل بفضل الله وبرحمته فبذلك فليفرحوا"
"أنا عمر أبو شقرة طالب 2003 السنة الماضية انتكست وجبت معدل 75.15 وكانت صدمة بالنسبة الي، لأنه طول عمري معدلي بالـ 90 وما حدا توقع أجيب هيك معدل.
استجمعت حالي بعد النتائج وقررت أعيد سنة كاملة وكلي أمل بالله إنه أجيب معدل يدخلني طموحي.
كانت أصعب سنه بحياتي، كل أصدقائي بالجامعة، الكل مبسوط وأنا بالبيت بدرس بمواد دارسها قبل مرتين وثلاث،كثير كنت تعبان ودعيت ربنا إنه يفرحني بمعدل عالي.
درست واجتهدت والحمد لله بعد عناء سنة وبفضل الله وحده جبت 97.15، رفعت 22 علامة كل علامة الها قصة، ويكفيني دمعة أمي وبسمة أبوي وهم بيحكولي الله يرضى عليك رفعت راسنا، وأثبتت إنك قد كل شيء صعب وتحدّيت سنه كاملة ووصلت لحلمك.
الحمد لله، هاي رسالة لكل معيد، لكل شخص ما عنده أمل أو محطم، لكل طالب مقبل على التوجيهي، ربنا كرمه واسع، كنت أدعي ليل نهار إنه الله يجبر بخاطر أمي وأبوي قبل خاطري، والحمد لله تحقق ذلك، ذلك الفضل من الله".
